الأبجدية

أحداث شغب... لأ داخلية...
شعب همج... لأ هم بلطجية...
شاب غلبان... وشرطي تعبان...
والمنظومة هي هي...
اتقسم الشعب... 
واللي بيتكلم... اخوان...
واللي مبيتكلمش... جبان...
واللي اتكلم النهارده... عارف ان دوره بكرة...
واللي سكت... كل اللي همه الأجرة... وقرطة...
قرطة عيال... ومسؤولية... وشغل ماشي...
ولا عجلة مفسية...
منظومة ولا اتغيرت... وشخصياتها متنية...
والأخ الكبير شايف وسامع... كل نملة معدية...
وكله مش دريان... ان ده جعان... وده تعبان...
وان الكل غلبان...
والحل...
الحل في الأبجدية...

س.ح.